TADEGa

+Internet
+Galego
+Futuro

A celebración +Internet +Galego +Futuro e TADEGa

[ D-1 ]

Galicia celebra de xeito conxunto o 17 de maio: o Día de Internet, o Día Mundial das Telecomunicacións e da Sociedade da Información, e o Día das Letras Galegas. É un día sinalado para propiciar, coa axuda das tecnoloxías digxitais, a participación da sociedade galega nunha reflexión colectiva sobre as posibilidades que as tecnoloxías da información e da comunicación nos achegan para a normalización da nosa lingua, a difusión e enriquecimiento da nosa cultura e a construción da sociedade do coñecemento en Galicia.

TADEGa súmase a esta celebración, e a todos vos convidamos a facer o mesmo. Nestas páxinas atoparedes unha recopilación selecta dos mellores recursos dixitais que, sendo de uso práctico na Atención á Diversidade, foron desenvoltos en galego ou se atopen traducidos ao galego. A sorpesa foi grande aínda para nós mesmos, pois nin esperabamos un catálogo tan amplo nin de tanta calidade. Así pois, ademais de aledarnos, sentímonos máis obrigados pola responsabilidade que nos xunta a todos, para que este material sexa coñecido, valorado e mellorado por todos.

A este esforzo tan compracido pola nosa banda, súmase outro non menos importante. A accesibliidade web é a característica imprescindible que todo material dixital debera ter a fin de non segregar da sociedade e a cultura ás persoas con discapacidade. Pois, como non podería ser doutro xeito, os seus dereitos de información e participación son exactamente iguais aos nosos. Cando construímos páxinas web dende as que lanzamos información, contidos e servizos, se o fixéramos dun xeito non accesible, os estaríamos excluíndo, algo imperdoable e inxusto a todas luces; e de ahí o noso esforzo por lembrar a todos, especialmente a todas as persoas, administracións e organismos que ocupan un papel destacado no mundo do dixital galego, que se a responsabilidade é grande, no seu caso o é moito máis. Sería inxusto e carente de senso que a sociedade e o pobo galego no tomasen tamén a iniciativa de ser solidarios e xustos con quen máis o merecen por ser os máis vulnerables.

É de seu.

Recursos dixitais galegos ou traducidos ao galego

A continuación amósase o catálogo de recursos dixitais galegos ou traducidos ao galego que poidan ser de uso e interese na Atención á Diversidade ou na Integración Escolar. Se atopades dalgún recurso educativo deste tipo, poñédevos en contacto con nós para ampliar este catálogo.

(Saltar navegación ata o final deste grupo de enlaces) (Final do grupo de enlaces).